Executive日記——今晚八點齊鼓掌 為醫護打氣

  歐美醫護人員正與新冠病毒作戰,多國人們紛紛發起鼓掌行動,鼓舞醫護人員嘅士氣。Kelly知道,香港民間亦發起一項名為「為香港鼓掌」嘅運動(Clap for Hong Kong),喺今晚八時舉行,好多市民同商界人士昨日互傳呢信息,大家記住今晚大力為疫情前線戰士拍掌。

  疫情爆發兩個多月,確診人數不斷增加,一眾醫護同前線相關工作嘅人員奮力救人,佢哋面對前所未有嘅感染威脅同工作壓力,為社會守住抗疫嘅重要防線。佢哋表現嘅專業精神,令人動容,無私付出,亦叫人讚賞。為咗送上加油,大家今晚八點為呢班抗疫英雄鼓掌一分鐘,甚至更長,表達心意。

  無論大家身處何方,一於齊拍掌,但記得遵守禁聚令,唔好走得太近呀!喺活動之前,小妹呼籲大家廣傳呢項咁有意義嘅活動,快啲喺網上分享以下字句啦 #ClapforHK #為香港鼓掌 #TogetherWeFight The Virus #齊心抗疫。

Kelly Chu


hd 淘宝快3历史开奖